धुंदी कळ्यांना, धुंदी फुलांना
धुंदी कळ्यांना, धुंदी फुलांना
शब्दरूप आले मुक्या भावनांना
तुझ्या जीवनी नीतीची जाग आली
माळरानी या प्रीतीची बाग आली
सुटे आज माझ्या सुखाचा उखाणा
शब्दरूप आले मुक्या भावनांना
तुझा शब्द की थेंब हा अमृताचा
तुझा स्पर्श की हात हा चांदण्याचा
उगा लाजण्याचा किती हा बहाणा
शब्दरूप आले मुक्या भावनांना
चिरंजीव होई कथा मीलनाची
तृषा वाढते तृप्त या लोचनांची
युगांचे मिळावे रूप या क्षणांना
शब्दरूप आले मुक्या भावनांना
धुंदी कळ्यांना, धुंदी फुलांना